المُستريح بيصطاد المودعين بنسبة الأرباح العالية اللي بيوعدهم بها،وبيجمع 10 مليون جنيه من المودعين لتوظيفها،بياخد من الفلوس دي 2 مليون يصرفها على نفسه وعلى موظفيه وبيوزع منهم 3 مليون أرباح للمودعين , ويخلي معاه 5 مليون احتياطي.

الوضع الآن

 

= المُستريح مديون بـ 10 مليون ورصيده 5 مليون فقط.

طبعا مشكلة كبيرة ؟ ولا مشكلة ولا حاجة.

المُستريح بعد ما بيوزع الـ 3 مليون أرباح, والموضوع يتشهر؛ بيلاقي ناس جداد يتحايلوا عليه علشان يوظف لهم أموالهم.

-بيجمع 50 مليون جنيه من المودعين الجدد, يسدد الـ 10 مليون القديمة, ويصرف له 15 مليون على شراء فيللا فخمة وسيارة فارهة ويوزع 10 مليون أرباح للمودعين الجدد , ويتبقى معاه 15 مليون رصيد + 5 مليون رصيد قديم.

 

-الوضع الآن

= المُستريح مديون بـ 50 مليون أموال مودعين, ورصيده فقط 20 مليون فقط.

كده بقت مشكلة كبيرة ؟ ولا مشكلة ولا حاجة.

المُستريح بعد توزع الـ 10 مليون أرباح = هيقصده مغفلون جدد بعد بيع أراضيهم وعقاراتهم و دولاراتهم هيتوسلوا ليه يأخذ أموالهم ويستثمرها في مشاريعه ذات الربحية الرهيبة،فبيجمع تاني 200 مليون على الأقل

 

= يسدد الـ 50 مليون القديمة, ويصرف له 80 مليون على شراء قصر منيف ويخت فخم و ينزه موظفيه و محاسيبه، ويوزع 40 مليون أرباح للمودعين الجدد ، ويتبقى معه 30 مليون رصيد احتياطي + الـ 20 مليون القدام = 50 مليون.

 

الوضع الآن

= المُستريح مديون بـ 200 مليون أموال مودعين, ورصيده فقط 50 مليون فقط.

طبعا مشكلة كبيرة ؟ ولا مشكلة ولا حاجة = طول ما فيه مغفلين = مافيش مشكلة.

المسلسل ده ممكن يستمر سنين من غير أي مشاكل.

لكن يحصل إيه لو المودعين القدامى طالبوا بأموالهم، ومافيش مودعين جداد ؟

-هنا بقى تظهر المشكلة الكارثية؟ يا عم أنت معقد كده،كارثية إيه؟ مافيش أصلا مشكلة؟

المُستريح في الحالات العادية بيهرب.. لكن المُستريح بتاعنا للأسف مش هيهرب و مشكلته سهلة وتتحل ببساطة كالتالي:

 

إحنا قلنا المُستريح مديون للمودعين بكام؟ 200 مليون،و كل اللي معه كم ؟ 50 مليون جنيه.

افرض إن الـ 50 مليون عبارة عن ورق من فئة الـ 50 جنيه = مليون ورقة.

كده تبقى تاهت ولقيناها.

المُستريح يجيب المليون ورقة دول ويشطب على الرقم ( 50 ) ويكتب ( 200 ).

كده يبقى المستريح معه مليون ورقة من فئة الـ 200 = 200 مليون جنيه = يسدد كل أموال المودعين و تنتهي المشكلة.. و غالبا هيلاقي الناس واقفين طوابير يبوسوا إيده علشان يرضى ياخد فلوسهم تاني.. ده راجل مضمون 100%.

إيه العبط ده ؟ يا ابني مش عبط ولا حاجة ؛ الدولة هتعمل كده.. صحيح بطريقة مختلفة.. لكن النتيجة واحدة.

 

الدولة هتعطي للمودعين أموالهم من فئة الـ 200 جنيه لكنها بقيمة الـ 50 جنيه.

الدولة هتطبع شوية ورق مكتوب عليهم 200 جنيه؛ لما سيادتك تنزل بهم السوق تلاقي الـ 200 جنيه بيشتروا نص كيلو لحمة = لأن قيمتهم الحقيقية = 50 جنيه فقط.

طب وبالنسبة للشعب: ارتفاع نسبة البطالة، والكساد، وغلاء الاسعار، وتراجع الصادرات

معدل التضخم هيقفز طبعا يعنى فنجان القهوة ، اللى كان بجنيه واحد من كام سنه فاتت ، بقى ب ١٠ جنيه السنة دى!

 

ببساطة ، هو التطور الطبيعى لطباعة النقود دون إنتاج ، و دون غطاء!

ودا بيحصل بصوؤه أصعب في العمله الصعبه

مصر عليها قروض أكتر من 150 مليار قروض منهم أكتر من 30 مليار أموال ساخته إخدناها بأعلي فايده ف العالم و سددنا بيها خدمه الدين

فجأه أمريكا رفعت الفايده فأصحاب الفلوس فكروا ينفلوا من مصر لأمريكا ودا

فدي المشكله مش هنقدر نطبع دولار زي الجنيه

فمصر عومت الجنيه و 5 من السعوديه و 5 من قطر بالاضافه لبيع كام شركه

الفتره الجايه صعبه محتاجه معجزه حقيقيه

كل لحظه هنقترض أو نبيع أو نتعامل تحت شروط صندوق النقد 

 

الوضع الآن

مصر عليها أكتر من 150 مليار دولار ديون خارجيا بشكل معروف و زيهم مش معروف و رصيد المصارف تحت الصفر

وكل أفكار زيادة الإستثمار ، هي في الحقيقة إعادة تقسيم الموارد..يعني إزاي تاخد الفوس من جيب ده، تحطها في جيب ده..إنما تجيب فلوس جديده تدخل جيب الإتنين...حاش لله، إحنا بتوع كلام من ده؟

غير الحكومه يا ريس