انطباعي 10 ايام استخدامي للعملاق الصغير وحش الفئة الاقتصادية ريدمي نوت 10 📲

اليوم رح اعطيكم انطباعي 10 ايام استخدامي للعملاق الصغير وحش الفئة الاقتصادية ريدمي نوت 10

1 _ تصميم عصري وجميل من الامام والخلف تواكب 2021 ولو كنت طمعان انو البزل السفلي يكون اصغر من كدا

2 _ الشاشة الوانها مميزة جدا كفئة سعرية وتعطي زوايا رؤية ممتازة وانصحكم انو تفوتوا الاعدادات تحطو على التشبع منشان تاخد أفضل تجربة شاشة خرافية

3 _ تجربتي مع المعالج الجديد SD 678

تجربة محترمة وافضل بكثير حتى من SD 712 يلي موجود بأجهزة اغلى وتجربتي مع الالعاب كان كتير مميزة في تحسين جيدا مع الرسوميات الادرينو 612 ومع 4 رام رح تاخد أداء بعادل 6 رام أيضا 

 

4 _ بالنسبة لأداء الكاميرات واخيرا طفرة كلية الكاميرات مستشعر محترم من سوني

وتجربتي كتير ممتازة حتى في اضائة منخفضة وانصح يلي بدو يصور صور شخصية يصور بالوضع 48 أو الوضع الليلي لانك تاخد أداء وتفاصيل قوي وحتى في وضع البورتريه أما في وضع 12 العادي رح تاخد أداء جيد ولكن في نعومة بسيطة في التصوير وانصح دائما انو ما تفعلو Ai الا بوقت الحاجة حتى الوضع HDR بشكل عام اداء الكاميرات يرتقي لأداء أجهزة اغلى وانا اعتبرها اقوى من بوكو x3 بقليل طبعا رح ينصدم الجميع ولكن التجربة خير برهان

وبالنسبة لجوجل كاميرا قصة مميزة في ريدمي نوت 10 وتوافق ممتاز وأداء جنوني

5 _ بالنسبة لتجربة السماعات تجربة ممتازة و صوتيات محترمة مماثلة للبوكو x3 وتجربتي مع المايك افضل من الإصدارات السابقة من شاومي ريدمي

6 _ قوة الشبكات ممتازة ما واجهت اي مشكلة وحسيتها مستقرة اكتر من بوكو x 3 والمدى توصل لأماكن بعيدة تقريبا 

 

7 _ بالنسبة البطارية استخدامي لها كتير مميز عطاني تشغيل شاشة استخدام مكثف حوالي 8 ساعات بالراحة و استخدام عادي 18 ساعة واستخدام للمكالمات والضرورة 48 ساعة والشحن من 0 إلى 100 يتم في 45 دقيقة فقط

8 _ الأداء العام كان ممتاز جدا وفي استقرار في النظام وأداء البصمة سريعة واستهلاك الرام منطقي وكل شي مستقر ولكن !! لزال تطبيق الكاميرا فيها ثقل في الفتح وأعتقد هل مشكلة رح تنحل في سوفت وير جديد 12.5 قريبا باذن الله ...

 

هاد كان انطباعي عن افضل هاتف اقتصادي في 2021 ولو حرام اقول عنها اقتصادي لانو تعتبر عندي فئة فوق المتوسطة نظرا للسعر الجميل المنافس