اهم الاستفسارات عن منحة FUTURE WORK IS DIGITAL - fwd (4 دقائق قراءة )

 

 

حاولت اجاوب على اهم الاستفسارات عن منحة fwd لل digital marketing 

 

 

• اولا قولت احتفل بحصولي على المنحة بس بطريقة مختلفة شوية واحاول اساعد زمايلي الي هيبدأوا التراك واجاوبلهم على معظم الاسألة الي كانت موتراني شوية اول 

ما بدأت الرحلة اللطيفة دي  

=لو قعدت من ساعة ونص لساعتين بس يوميا هتبقا ماشي كويس ومش هيفوتك حاجة،

حاول متقلش عن كده وزود براحتك بقا + تقدر تذاكر للمنحة وانت في دراسة او شغال عادي لو نظمت وقتك، والمحتوى نفسه بيعلمك ازاي تنظم وقتك. 

 

 

=خلينا متفقين ان اي حاجة بتتعلمها في الدنيا لو مطبقتش عليها هتنساها وده طبيعي جدا، وهنا بقا تيجي ميزة المنحة دي

 

ليه؟ عشان كل جزء هتتعلمه هتاخد بعده مشروع بيطلب منك تنفذ كل الي انت اتعلمته فيه بطريقة احترافية

وبيديك مجال تحط لمساتك الفنية براحتك طالما انت فهمت وماشي في السياق الصح،

وكمان الي بيراجعلك المشاريع دي ناس اجانب عندهم خبرة مش روبوتات حافظين وخلاص،

ولو فيه غلطة في مشروعك بيقولك عليها ويديك لينك مصادر تراجع منها عشان تصحح وتحسن من ادائك وتعدله تخليه بأحسن شكل ممكن، كانك بظبط شغال مع عميل او لشركة.

 

"انا عن نفسي مرة مشروعي اترفض 3 مرات وانا بسلمه وفي كل مرة كنت بكتشف غلطات وحجات كان ممكن تتعمل بطربقة احسن وكنت براجع وابحث واعدل لحد متقبل وطلعت حاجة محترمة احترافية واتعلمت بسببها حجات مستحيل انساها تاني لاني اتشقلبت فيها وانا بعملها بأيدي،

وهو ده الي بيعلم الواحد، الممارسة والتطبيق اكتر من مرة، ده الاساس في التعليم الصح."

 

+معلومة ممكن كتير مش عارفينها، المنحة دي مجانية في مصر بس، عشان مدعمة من وزارة الاتصالات لكن تمنها على Udacity حوالي 20.000 جنيه.

*بالمناسبة الماتيريال بالانجلش بس فيه اوبشن انك تشغل ترجمة عربي على الفيديوهات،، وبالنسبة للمقالات تقدر تاخدها كوبي وترجمها وتفهمها واحدة واحدة، واتمنى الشباب كلها تطور نفسها في الانجلش مع الوقت لأن ده هيفرق معاك جدا وهيطور من مستواك في حجات كتير*

https://youtube.com/playlist...

ده جروب لتراك البروفيشنال عليه شرح مشاريع البروفيشنال كلها

وده جروب تراك الادفانسيد

=من الناحية دي انا عايزك تطمن خالص، انت حرفيا معاك community كامل عشان يساعدك في الحجات دي والكل بيساعد ويدعم بعضه،

من اول زمايلك الي في المنحة ع الجروبات هنا وجروبات الواتس لحد الدعم بتاع يوداستي كله،

وكل فترة بيبقا في webinar (يعني زي ميتنج كده بيتعمل على زوم قبل كل مشروع بيبقا فيه شرح كامل للمشروع الي هيتعمل بكل تفاصيله ومساحة للرد على جميع الاسألة الي بتتسأل بخصوصه )

وفي تراك الادفانسيد بيبقا فيه سيشن اسبوعي نفس الكلام برضو للمشاركة والشروحات والرد على جميع الاسألة الي عندك في الدروس والمشاريع وهكذا.

 

 

= هتتعلم اساسيات التسويق الرقمي ومفاهيم كتير

• هتتعلم اصول كتابة المحتوى والاعلانات على جميع المنصات

• هتتعلم ازاي تبني استراتيجية لحملات اعلانية والخطط التسويقية وازاي تقيم ادائها وتحسن منها اكتر

• هتتعلم طريقة عمل الاعلانات على جميع المنصات السوشيال ميديا والهدف منها والفرق بينهم وتعرف ازاي تختار المنصات الاحسن والانسب حسب هدفك التسويقي وتحليل جمهورك والبيزنيس الي شغال عليه.

• هتتعلم ال email marketing

• هتتعلم seo تحسين محركات البحث

• هتتعلم sem الاعلانات على محركات البحث

• هتتعلم تستخدم ادوات كتير تساعدك وانت شغال وتسهل عليك وقت ومجهود

• هتتعلم ازاي تستخدم اشهر مواقع ال freelancing وتعمل اكونت احترافي عليهم

• هتعمل اكونت على LinkedIn بطريقة بروفيشنال

• هتتعلم مهارات ال freelancing وتبقا مؤهل انك تبقا free lancer على اكتر من منصة للعمل الحر 

 

= المنحة دي اصلا مش بتسيبك تتخرج منها الا لما يكون معاك اكونتين احترافيين على منصتين free lancing واكونت LinkedIn منظم ومعاك المشاريع الي عملتها بتحطها بورتوفوليو لنفسك.

• يعني من الاخر بيعلموك العوم كويس وبعدين بيرموك في البحر عشان تعوم فيه.

• المنحة دي بتخرجك منها freelancer جاهز ومؤهل تقنياً ونفسياً للعمل بشكل رسمي.

• وتقدر تجتهد طبعا وتشوف عملاء من اي حتة تنفذلهم شغل بطريقتك الخاصة انت وشطارتك في المهارات الي اتعلمتها.

مش خلاص بقيت ماركيتير ؟ سوق لشغلك بقا وابدأ اللعبة بطريقتك.

= انا خلصت خلاص

اسف لو طولت عليك

خد نفسك...

عمييق كدا .... وريلاكس خالص....

وكل سنة وانتوا طيبين وبالتوفيق لينا جميعا