طريقة مضمونة ومجربة لسحب أرباح الأفلييت بدون حساب بنكي وبدون عمولة في 6 أيام!
طريقة مضمونة ومجربة لسحب أرباح الأفلييت بدون حساب بنكي وبدون عمولة في 6 أيام!
هتروح بالبطاقة وتصبر لبليل بعد العشاء مثلا هتكلم الرقم المختصر لخدمة عملاء البنك الأهلي الموجود على ضهر البطاقة علشان تفعلها هيطلب منك شوية بيانات من ضمنها رقمك القومي فخلي البطاقة جمبك وانت بتكلمهم بعد التفعيل هتروح ف نفس اليوم او تاني يوم اقرب ماكينة سحب للبنك الأهلي وحط الكارت فيها هيطلب منك رقم سري هتدخل 0000 بعدها هيطلب منك تدخل رقم سري جديد هتدخل الرقم وهيبقى دا الرقم السري الثابت بتاعك وبكده البطاقة تكون اتفعلت بالكامل
كل الكلام دا المفروض موظف البنك بيقلهولك بس انا بقوله للتأكيد علشان لو نسيت قالك ايه او علشان لو مقلكش على كل حاجة.
نيجي بقا لسحب الأرباح من حساب الأفلييت
هتدخل علي بيانات الحساب البنكي في حسابك الأفلييت وهتدخل اسمك الثلاثي بالإنجليزي وتحط مكان رقم الحساب البنكي رقم الماستر كارد اللي معاك اللي موجود في وش البطاقة ال 16 رقم ومكان ال Swift - Bic هتدخل السويفت كود الخاص بالبنك طيب دا هتعرفه ازاي؟ هتتصل بخدمة العملاء تاني تسألهم علي السويفت كود الخاص بالبنك بتاعك هيسألك على اسم الفرع اللي انت طلعت منه الكارت وهيمليك السويفت كود بتاعه هتقوم واخده وحاطه ف خانة ال Swift بعدها هتكمل العنوان بالإنجليزي برضه شرط أساسي كل البيانات بالإنجليزي هتجيب العنوان كالآتي ولنفترض انت من بنها نفسها هتيجي علي جوجل وتكتب National Bank of Egypt Banha هتلاقي ظهرلك العنوان مفصل بالإنجليزي لو معرفتش تجيبه بالطريقه دي اكتبه انت بالإنجليزي عادي اكتب اسم الشارع والمحافظة والمدينة وف خانة المدينة الأخيرة خالص اكتب اسم المدينة الموجود فيها البنك تاني وتعمل حفظ للبيانات
هتروح تطلب سحب لأرباحك هيديك Pending تاني يوم بالليل لو بياناتك صحيحة ان شاء الله هيديك Paid مش معنى كده انك هتلاقي ارباحك نزلت على البطاقة احسب من بعدها حوالي 4 أو 5 ايام بالنسبالي جابلي Paid يوم 21 الفلوس نزلت يوم 25 في حاجة مهمة بقى بعد ما الفلوس تنزل مش بتقدر تسحبها من الماكينة غير بعد يومين بالظبط يعني فلوسك نزلت يوم 25 تروح تسحبها يوم 27 ومتحاولش بأي شكل تعمل حاجة غير كده او تكلم خدمة العملا او تدخل البنك انا جربت كل دا وهما بيقولو مفيش مشكلة تعرف تسحبها عادي بس برضه مش بتقدر تسحبها غير بعد يومين من نزولها.
طيب بيخصموا عمولة كام؟ مش بيخصمو ولا مليم حتى الأرباح فوق ال 100 دولار مش بيخصم ولا مليم من ارباحك حتي الماكينة مبقتش تاخد ال 2 جنيه اللي كانت بتاخدهم ف كل عملية سحب
بس كده ومبروك عليك ياسيدي الأرباح .. دعواتك ❤️
كل الشكر ل AbdulRhman Tareq لأنه هو اللي عرفني ان الماستر كارد دي تقدر تسحب بيها ارباحك عادي وساعدني في اول عملية سحب ليا ❤️
