بتبدأ الحلقة بعد يوم من احداث الحلقة اللي فاتت و بنعرف بعدها ان احنا في حقبة الألفنات من اول 2000 و بنشوف بعدها التقنية المستخدمة في بعض برامج و مسلسلات الحقبة دي و هي انهم يتكلموا مع الجمهور لكن واندا مش شخصية كاسرة للحاجز الرابع ، هي لسة بتصوير برنامجها واندا فيجن ، مشاهد غير مهم و بيلي و اخوه العابهم بتتغير و البيت نفسه بيتغير كل شوية بسبب ان ويسفيو بتستنفذ كل طاقتها و انها كبرت المساحة ده بيخليها شبه مش متحكمة .... ويكن بيشتكي من راسه بسبب قدراته على سمع الأفكار والأصوات زي أمه .... 

سداسيات كتير في المسلسل عالم واندا على شكل سداسي خرطيته حتى في سورد كل حاجةسداسية و حتى غطى واندا دلوقتي سداسي هل كلمة the devilin the detailsبتتحقق ! ... فقدان واندا للسيطرة واضح ، حاجات كتير بتتغير ، واندا ماسكة حبوب مكتوب عليها snaps ! ....و بتيجي مقدمة الحلقة دي و روشة جدا كلها wanda . Wanda , بس فيها حاجات تحتاج فصفصة مثلا في النص بتتجمع اوراق على شكل كتابة و بتقول I know what u are doing wanda ، هل دي اغنس و بتهدد واندا ولا حد تاني زي ما الطاقم قال ان في حد سري ، مش عارف , بيجي مشهد فيه تاريخ و لو فعلا بيلمحوا للكوميكس فيه ممكن يكون تلميح للعدد العاشر من كوميكس Scarlett witch اللي لبست فيه واندا افضل زي ليها و حسب الصور في البوسترات فهي هتلبسه في المسلسل برضو ، بعدها صورة للشارة المسلسل مكتوب فيها WandaVision و تحتها مكتوب انه مصنوع من قبل واندا و ده اللي بيخلي نظرية ان اسم المسلسل WandaVision يعني رؤية او خيال واندا اكبر من انها لواندا و فيجن ، على الناحية التانية بيستعدوا للهجوم على واندا بقيادة هيوارد المتهور ، فيجن بيصحى سليم و الحمدلله مفقدش الذاكرة ، بياخد دارسي لويس اللي بتبقى فاقدة الذاكرة بس بيستخدم قدراته لأيقاظها و ياخدها البيت

.

على الناحية التانية واندا في حوار مع اولادها اتسألت عن اخوها و خالهم و قالتلهم ان ده راجل كداب و مش خالهم و ده معناها ان واندا كانت عارفه ان في حد مأثر عليها عشان تحسه اخوها و كان عندها شك عشان كدة كانت بتختبره بس بعد جملة 'سيموت زوجك مرتين' عرفت ان مش بييترو عشان كان ميت وقتها ، و بتقولهم انها نفسها مبقتش عارفة حاجة ، اجاثا او اغنيس بتاخد الولدين في بيتها و بتقولهم يسيبوا امهم شوية هل فعلا المسلسل ماشي حسب الكوميكس و هما فعلا مصنوعين من بلورة شيطانية جزء من روح الشيطان مفيستو زي الكوميكس و هي على تواصل مع مفيستو و عايزة ترجعله الاطفال تاني ، و ده سبب جنون واندا في اخر حلقة و تفسير لخطفها ليهم و ليها اخر الحلقة !! ، ممكن ، المهم بيروحوا معاها ، البيت مضطرب و حاجات بتتحول بسبب فقدان واندا السيطرة على المساحة كلها ، الناحية التانية مونيكا و جيمي بيشوفوا دارسي وصلت لأيه و اللي طلعت عارفه ان هيوارد كان عنده القدرة على تتبع فيجن لأنه كان ناوي يرجع للحياة تاني قبل ما واندا تسرقه ،و عشان كدة مراقبه لأنه عايز يضمه ليهم ، بيوصلوا عند بعض الجنود اللي مونيكا استعدتهم عشان يجيبلوها مركبة تقدر تدخل رغم سمك حقل طاقة عالم واندا ، فيجن و دارسي في مشاهد حقيقي ملهاش اي لازمة بس بتنكر معرفتها بأي حاجة ، مشهد تاني لواندا بتعترف انها فقدت السيطرة وسط جنون بيت واندا اللي من الممكن تكون المتسببة اغنيس و اللي عرفنا ان هي اللي ورا الكاميرا ، طيب ليه الصوت تخين اوي كدة !! ، و بعدها اهم اعلان في المسلسل حتى الآن و اللي ليه تفسيرات كتير و نبدأ حسب الكوميكس و اللي سمعت فيها كلمة نيكسس مرتين كرة في كائنات النيكسس و هما اهم المخلوقات في الكون و اللي عندهم القدرة على التأثير على مستقبل الكون ووجودهم بيخلي الكون مستمر و منهم واندا و فيجن و ممكن يكون شرحه انها تلميح لNexus of All Realities و هي نقطة بيجتمع فيها كل الاكوان و تقدر تتنقل منها و متوقع ظهورها في فيلم دكتور سترينج و ممكن تكون نيكسس ده عالم واندا وواندا هي الشخص المكتئب بعد انفينتي و اند جيم و العالم ده هو مضاد للأكتئاب

.

اغنيس قاعدة مع اولاد واندا و بيقولها انها هادئة من جوا جدا و ده بسبب ان اغنيس ساحرة و عقلها غير قابل للقراءة او السيطرة ، مونيكا على الناحية التانية بتحاول تدخل العالم بالدبابة المجهزة لكن كثافة العالم اكبر ، بتضطر تطلع منها و تصحي بنفسها عشان تدخل كدة تاني و زي ما انتوا عارفين فأن مرات الدخول الاولى غيرت تركيبتها الجينية و المرة دي هتغيرها بالكامل و بالفعل زي الكوميكس مونيكا بتكتسب قدراتها و بتبقى شخصية Spectrum و عينيها بتتوهج و بتقدر انها تدخل العالم رغم سمك البوابة في مشهد حقيقي رائع مع الصوت و اداء الممثلة بوشها و المؤثرات ، بعدها بتدخل و لوهلة بتشوف العالم بشكل ممكن نكون مش شايفينه ، فيجن مع دارسي في مشاهد ملهاش اي لازمة بتحكيله عن كونه افنجر و ايه اللي حصله و بيكون فاكر ان واندا هي اللي بتمنعه لكن في الحقيقية دي اغنس عشان تستفرد بواندا ، مونيكا في حوار مع واندا بتحاول تساعدها واندا بترفض و بتطيرها ، مونيكا بتعمل حركة السوبر هيروز الشهيرة و حقيقي اختيار ممثلة مونيكا هو الافضل لأنها نسخة طبق الأصل عن الكوميكس ، بتستخدم قدراتها في النزول ، مونيكا بتثبت لواندا انها مش شريرة و ان هي عايزة تساعدها عشان متبقاش شريرة برضو ، اغنس بتقطع الكلام لما تشوف ان واندا قربت تصدق ، بتاخدها على طول و مع اول لمسة بترجع واندا لشخصيتها ، بتاخدها على بيتها و مونيكا بتلحقهم ، ساعي التوصيل من جنبهم ماشي و لابس لبس مكتوب عليه Presto و هي كلمة سحرية و فيجن على الناحية التانية فاقد للذاكرة و بيكرر يرجع ينقذ واندا و بيسبق دارسي ، واندا مبتلاقيش ولادها مع ان اثارهم موجودة و الغريب ان بيت اجاثا هو الوحيد اللي خارج نطاق السيطرة و مفيهوش اضطرابات و بتنزل تدور عليهم و بتلاقي مكان مخيف كأن مكان مشعوذ ، بتدخل و بتلاقي المكان مرعب و ممكن زي ما قولتلكم يكوم ده نيكسس مكان التقاء الاكوان او مكان موصل ليه و عشان كدة جابت كويك سيلفر من كون تاني عشان بتاع كوننا مات ، و في كتاب ملعون و في الاغلب ده هيكون darkholds و ده واحد من ادوات اغنيس الملعونة في المسلسل لكن في الكوميكس هو كتاب سحري تابع لشثون اله الفوضى من الاهة القدماء و اللي كتب كل تعاويذه في كتاب واحد و الكتاب ده مستقبلا بقى ضمن اغراض دكتور سترينج فأتمنى ده يحصل في مارفل ، نرجع تاني و بعدها اغنيس بتكشف عن نفسها انها الساحرة الشريرة في المسلسل اجاثا هاركينز و انها دخلت العالم بسحرها عشان كدو في سورد معرفوش يجيبوا هويتها ، و اجاثا دورها مهم جدا في حياة واندا و ان هي سبب بعد الاضطرابات في العالم ده

.

بتخلص الحلقة و في تساؤلات كتير هل اجاثا شغالة لوحدها ولا تبع حد و هل جوزها اللي كانت بتتكلم عنه كتير ممكن يكون مفيستو فعلا و سبب محاولة سيطرتها على واندا هو اخذ قوتها لصالحه !! ، نروح لمشهد ما بعد النهاية لمونيكا رامبو بتنقذ واندا لكن بيلحقها كويك سيلفر هل ده كويك سيلفر فعلا و هيساعد مونيكا في انقاذ واندا ولا هو لسة تحت سيطرة اجاثا و هيهاجم مونيكا و شكرا.